Contact Us

SON XƏBƏRLƏR

Vaşinqton bir daha Əsədi istefaya çağırdı

2021.10.20, 07:36
Vaşinqton bir daha Əsədi istefaya çağırdı

Gunaz.tv

GünAz TV: Suriya prezidenti Bəşər Əsədin ölkədəki vəziyyətlə bağlı növbəti çıxışından sonra ABŞ (Amerika Birləşmiş Ştatları) bir daha Bəşər Əsədi istefaya çağırıb.

Suriyada baş verənləri xarici qüvvələrin və terrorçuların fəaliyyəti ilə əlaqələndirən Bəşər Əsədin bəyanatlarına ABŞ-ın Dövlət Departamentindən (xarici işlər nazirliyindən) münasibət bildirilib.

Dövlət Departamentinin mətbuat katibi Viktoriya Nuland Bəşər Əsədin nitqini "Suriya xalqının diqqətini real problemlərdən yayındırmaq cəhdi" adlandırıb. "O, Suriyadakı zorakılığa görə özü məsuliyyət daşıdığı halda, məsuliyyəti öz üzərindən ataraq, başqalarının üzərinə qoyur" - Viktoriya Nuland belə deyib. Dövlət Departamentinin mətbuat katibi həmçinin bildirib ki, Bəşər Əsədin son bəyanatları Vaşinqtonu Suriya prezidentinin istefaya getmə vaxtının olmasına bir daha əmin edib.

BMT-nin (Birləşmiş Millətlər Təşkilatı) hesablamalarına görə, ötən ilin martından (March) Bəşər Əsədin istefası tələbi ilə keçirilən nümayişlərdə 5000-dən 6000-dək adam ölüb. Ərəb Ölkələri Liqasının (Birliyi) Suriyaya müşahidəçi qrupu göndərməsindən bəri isə 400-dən çox adamın öldürüldüyü bildirilir.

SEÇİLMİŞ XƏBƏRLƏR

Çox oxunanlar