GünAz TV: Güney Azərbaycan Milli Azadlıq Cəbhəsinin ikinci qurultayı 2012-ci il yanvarın 7- 8-də Köln şəhərinin “Youth Hostel” (Gənclər Evi) binasında keçirildi.

Dünyanın müxtəlif ölkələrində yaşayan azərbaycanlıların qatıldığı qurultay Güney Azərbaycan milli hökumətinin himni və GAMAC başqanı prof. Qulamrza Səbri Təbrizinin salamlama çıxışı ilə başladı. Qurultayın aparılmasını GAMAC başqanı prof. Qulamrza Səbri Təbrizi Jalə xanım Təbriziyə həvalə etdi. Jalə xanım Təbrizi GAMAC-nin İdarə heyəti üzvlərini tribunaya dəvət edərək qurultay iştirakçılarına təqdim etdi. Bundan sonra Cəbhənin 16 aylıq fəaliyyəti ilə bağlı hazırlanış hesabat Sadiq İsabəyli, Maşallah Rəzmi, Jalə Təbrizi tərəfindən iştirakşıların diqqətinə çatdırıldı, görülən işlərlə bağlı geniş açıqlama və rəsmi sənədlər təqdim olundu.  Bundan sonra iştirakçılar Cəbhənin gördüyü işlərlə bağlı suallar verdilər və gələcək işləri barədə öz fikir və təkliflərini irəli sürdülər.

Sonra bütün iştirakşılara paylanmış GAMAC-nin Əsasnamə və Nizamnaməsi, ona edilən bəzi əlavə və dəyişikliklər müzakirəyə çıxarıldı.  Qurultay iştirakşıları tərəfindən verilən bəzi təkliflər də nəzərə alımaqla Əsasnamə Və Nizamnamə açıq səsverməyə çıxarıldı və səsçoxluğu ilə qəbul olundu. Fasilədən sonra yeni İdarə heyətinin seçilməsi məqsədilə  Cəbhənin əvvəlki İdarə heyəti üzvləri istefa verdilər.  Yeni İdarə heyətinin seçilməsi üçün Behruz Həqqi və Fəramərz Quluzadədən ibarət  qrup müəyyənləşdi. Yeni İdarə heyətinə üzv olmaq istəyən iştirakçılar öz namizədliklərini irəli sürdülər. Gizli səsvermə yolu ilə aşağıdakı şəxslərdən ibarət Cəbhənin yeni İdarə heyəti seçildi:

1. prof.  Qulamrza Səbri Təbrizi

2. Əhməd Obalı

3. Maşallah Rəzmi

4. Behruz Həqqi

5. Sadiq İsabəyli

6. Dr. Əyyub Qaneyi

7. Nadir Tarək

8. Əhməd

 Əlizadə

9. Fəramərz

 Quluzadə

10. Dr. Araz Süleymani

11. Araz Muğanlı

12. Səttar İslami

13. Əli Məhəmmədi

İH

seçildikdən sonra qurultayın ilk iş günü başa çatdı. Tədbir musiqi proqramı ilə davam etdi.

Güney Azərbaycan Milli Azadlıq Cəbhəsinin ikinci qurultayı növbəti gün 8.1.2012 tarixdə davam etdi və qurultay iştirakçılarına həbsdə olan milli fəallarla baglı, Urmu gölü, həmçinin Cəbhənin ikinci qurultayının siyasi qətnaməsi  oxundu. Hər bir qətnamə ayrı-ayrılıqda müzakirə edildi və açıq səsvermə yolu ilə qəbul olundu. Bundan sonra Güney Azərbaycan Milli Azadlıq Cəbhəsinin gələcək fəaliyyəti, Güney Azərbaycan Milli Azadlıq Hərəkatında təşkilatlanma, təşkilatlararası  işbirliyi, Azərbaycan təşkilatlarına üzvlərin cəlb olunması və Azərbaycan milli hərəkatı ilə bağlı  digər önəmli məsələlər qurultayda müzakirə olundu, qurultaya ünvanlanmış təbrik məktubları oxundu.

Qeyd edək ki, qurultay iştirakçıları içəridəki Azərbaycan milli fəallarının haqlı mübarizəsində onlarla bir olduqlarını nümayiş etdirmək məqsədilə  qurultay salonunun ön sıralarına Güney Azərbaycan milli azadlıq mücadiləsinin şəhidlərinin xatirəsinə,  bu yolda ağır həbs və işgəncələrə məruz qalan  milli fəalların haqlı mübarizəsinə dəstək əlaməti olaraq qırmızı qızılgüllər qoyulmuşdu.

Sonda yeni seçilmiş idarə heyəti üzvlərinin  toplantısı keçirildi. Toplantıda səsvermə yolu başqan və digər sorumlu şəxslər  seçildilər.

Prof. Qulamrza Səbri Təbrizi altı ay müddətinə Cəbhənin başqanı, Sadiq İsabəyli GAMAC-nin katib və sözçüsü,

Əhməd Obalı təşkilat sorumlusu, Fəramərz Quluzadə, Behruz Həqqi, Əhməd Əlizadə və Araz Muğanlı təşkilat komitəsinin üzvləri, Maşallah Rəzmi beynəlxalq əlaqələr sorumlusu, Nadir Tarək, Jalə Təbrizi, dr. Araz Süleymani və Əli Məhəmmədi insan haqları və qadın haqları

sorumlusu, dr. Əyyub Qaneyi, Səttar İslami və dr. Araz Süleymani maliyyə sorumlusu seçildilər.

GÜNEY AZƏRBAYCAN MİLLİ AZADLIQ CƏBHƏSİ 10.01.2012