Contact Us

SON XƏBƏRLƏR

Əhvazlı siyasi məhbuslar həbsxanada aclıq aksiyası keçirdiklərinə görə işgəncəyə məruz qalırlar

2021.10.20, 07:36
Əhvazlı siyasi məhbuslar həbsxanada aclıq aksiyası keçirdiklərinə görə işgəncəyə məruz qalırlar

Gunaz.tv

GünAz TV: “Əhvaz İnsan Haqları Təşkilatı” hazırda həbsxanada saxlanılan əhvazlı siyasi məhbusların işgəncələyə məruz qaldıqları barədə məlumat yayıb.

 

Məlumatda bildirilir ki, həbsxanada ağır cinayət törətmiş şəxslərlə bir kamerada saxlandıqları və həbsxananın bərbad vəziyyətinə görə etiraz əlaməti olaraq aclıq aksiyası keçirən əhvazlı siyasi məhkumlar fevralın 13-də vəhşicəsinə döyülüblər.

 

Bu fəallar hazırda Əhvaz şəhərində yerləşən həbsxanalardan birində saxlanılır. Təhlükəsizlik qüvvələri onlara işgəncə verməklə siyasi məhbuslardan keçirdikləri aclıq aksiyasını dayandırmağı tələb edirlər.

 

Siyasi fəallar bildirirlər ki, həbsxana rəhbərliyi qəsdən ağır cinayət törətmiş şəxsləri onların saxlandıqları kameralara yerləşdirirlər. Rəhbərliyin tapşırığı ilə bu cinayətkarlar siyasi məhbuslarla münaqişə törədirlər. Bu isə öz növbəsində əhvazlı siyasi məhbusların həyat və sağlamlığı üçün böyük təhlükədir. Həbsxana rəhbərliyi bu addımla onlara daha çox təzyiq göstərir və işgəncə verirlər.

 

“Əhvaz İnsan Haqları Təşkilatı” bu kimi halları nümunə göstərərək, beynəlxalq ictimaiyyətdən İran rejiminin siyasi məhbuslara verdiyi işgəncələri dərhal dayandırmasını tələb etməyi istəyiblər.

 

Xatırladaq ki, İranda Güneyli fəallar da daxil olmaqla, siyasi məhbuslar həbsxana rəhbərliyi və təhlükəsizlik qüvvələri tərəfindən işgəncələrə məruz qalır. Hazırda Güneyli fəal Abbas Lisani də Tehranın Evin zindanında təhlükəsizlik qüvvələri tərəfindən işgəncələrə məruz qalır. Onun qanunsuz həbsinə etiraz əlaməti olaraq aclıq aksiyası keçirdiyi bildirilir.

 

 Ə.A

Açar Sözlər :

SEÇİLMİŞ XƏBƏRLƏR

Çox oxunanlar