SON XƏBƏRLƏR

10 kilo Pakistan düyüsünün qiyməti 4 milyon 650 min tümənə çatıb

2026.11.20, 20:26
10 kilo Pakistan düyüsünün qiyməti 4 milyon 650 min tümənə çatıb

Gunaz.tv

İranda ərzaq məhsullarının qiymətindəki artım dalğası Pakistan düyüsünə də çatıb. Əvvəllər İran düyüsünə nisbətən daha ucuz alternativ hesab olunan bu məhsul qiymət artımından sonra iqtisadi üstünlüyünün böyük hissəsini itirib.

Açıqlanan qiymətlərə əsasən, 10 kiloqramlıq bir kisə Pakistan düyüsünün qiyməti 4 milyon 650 min tümənə yüksəlib. Bu məbləğ aztəminatlı ailələr üçün həmin məhsulun alışını da çətinləşdirir.

Pakistan düyüsü əvvəllər İran düyüsündən ucuz olduğu üçün yerli düyü almağa imkanı çatmayan ailələrin əsas seçimlərindən biri idi. İndi isə bu məhsulun bahalaşması da ailələrin əsas ərzaq məhsullarına çəkdiyi xərcləri artırır.

Pakistan düyüsünün qiymətinin yüksəlməsi ərzaq bahalaşmasının daha ucuz alternativləri belə bir çox ailə üçün əlçatmaz etdiyi bir vaxta təsadüf edir.

 

GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar