GünAzTv: Belə getsə yaxın illərdə Güney Azərbaycan torpaqlarına hər yoldan keçən iddia edəcək.

 

İndi Ermənistan kimi tanınan ən çox Rusiyanın sayəsində yaranıb. Sonralar ermənilər bu himayədarlığı keçmiş SSRİ davam etdirdir.

 

Məqsədimiz heç də ermənilərlə bağlı tarixdən danışmaq deyil. Sadəcə olaraq, Azərbaycan torpaqlarına milltimiz sahib çıxmayanda onu itirdiyimizi diqqətinizə çatdırmaq istərdik.

 

İllər uzundur oxşar proses Güney Azərbaycanda  getməkdədir. Tehran hakimiyyəti Azərbaycan torpaqlarında istdəyi adda əyalət (ostan) yaradır. İş o yerə çatıb ki, başqa ölkələrdən və İranın çeşidli bölgələrindən köçürülən kürdlər artıq Azərbaycana iddia ilə çıxış edir. Bu hal ermənilər Rusiya və keçmiş SSRİ tərəfindən himayə olunmasına daha çox bənzəyir.

 

Tehran hakimiyyəti isə baş verənlər göz yummaqla işini bitmiş sayır. Bir zamanlar kürdlər Tehranda çıxan «Mokriyanı Kordistan» adlı kitabda az qala Azərbaycanın yarasını kürdləşdirmişdilər. Onda İranın uyğun qurumları buna münasibət bildirmədi.

 

GünAzTV-nin məlumatına görə, İran İslam Respublikasının yardımı ilə Güney Azərbaycanın Urmiya və başqa şəhərlərinə qonşu dövlətlərdən gələn köçürülmüş kürdlər indi də Azərbaycan torpaqlarından gözlərini çəkmir.

 

Terrorçu PKK və PJAK-ın göstərişi ilə onlar əzəli Azərbaycan torpaqlarının kürdlərə məxsus olduğu haqda çeşidli uydurma yazır, xəritələr çap edirlər.

 

İş o yerə çatıb ki, «Google Earth»-də onların bu cəfəngiyyatına inanaraq, Azərbaycanın Urmiya şəhərini Kürdüstanınkı kimi təqdim edib.

 

Aşağıda göstərilmiş linklərdən də bunu görmək olar:

 

http://www.panoramio.com/user/4896661

 

http://www.panoramio.com/user/5345418

 

http://www.panoramio.com/user/5082173

 

http://www.panoramio.com/user/5082173

 

Azərbaycan şəhərinin kürdləşdirilməsinə göz yuman İran hakimiyyəti körfəzin adı uğrunda az qala bütün dünya ilə savaşa qalxıb.

 

«Fars» xəbər agentliyinin məlumatına əsasən, Oksford Universitetinin nəşriyyatı İrandan rəsmi şəkildə üzr istəyib. Nəşriyyat çap etdikləri dərsliklərdən birində «Fras körfəzi»ni «Ərəb körfəzi» kimi nəşr edib.

 

Qurumun mətbuat katibi Anna Bolduin İslam Respublikasının Londondakı səfirliyinin mədəniyyət attaşesinə ünvanladığı məktubda bildirib ki, qəbul olunmuş normalara əsasən körfəzin adı «Fars körfəzi» kimi yazılmalıdır.

 

İran səfirliyinin mədəniyyət attaşesi Əliməhhəməd Helmi buraxılmış «səhvdən təəcüblədiyini» söyləyib.

 

Körfəzin adı ilə bağlı buraxılmışğ «səhvə» görə İran hakimiyyəti Oksforddan üzrə istədsə də ölkənin rəsmi qurumları «Google Earth»-in səhvinə hələ də münasibət bildirməyib.

 

Yeri gəlmişkən.Fars olmayanlar milli-mədəni, qanuni haqlarını tələb edəndə, İran İslam Respublikası rəhbərliyindəki bütün vəzifə sahibləri həmin şəxsləri «şovnizmdə» və ya «pan»çılıqda, məsələn, türkləri «pantürkizm» və «panturanizm»də  suçlandırır, onlara cinayət işi açır, həbs edirlər.

 

Amma illər uzundur ki, tarixi mənbələrdə Kəngər körfəzinin (panfarsçılar və onları dəstəkləyənlərin «Fars körfəzi», ərəblərin isə «Ərəb körfəzi» dediyi yer ) «Fars körfəzi» adlanması üçün Tehran hakimiyyəti öz hikkəssini hələ də dünyaya qəbul etdirə bilir.

 

İran rəsmiləri adı çəkilən körfəzin KİV-də «Fars körfəzi» adlandırılmasının daha «doğru» olduğunu vurğular. O, bunu təsdiqləyən çoxsaylı «tarixi sənədlərin» mövcudluğunu da söyləyib.

 

Onların iddiasına əsasən,  Çinin Sinya şəhərindəki muzeydə saxlanılan qədim bir xəritədə körfəz məhz belə adlanıb.

 

Xatırladaq ki, ölkənin ən yüksək səviyyəsində belə bu məsələyə münasibət bildirilir. Bir müddət öncə  İran prezidenti Mahmud Əhmədinejad  «Press TV»-yə müsahibəsində demişdi : «Fars körfəzinin adı o dərəcədə mübahisəsizdir ki, müzakirəyə belə ehtiyac duyulmur. Bəzi iddialar hüquqi və siyasi baxımdan mənasızdır. Başqalarının təzyiqi ilə bununla bağlı bəyanat verirlər».

 

Türkləri Kəngər, ərəblərin «Ərəb körfəzi», farsların isə «Fars körfəzi» adlandırıdığı bu akvatoriyanın adı Tehran hakimiyyəti üçün çox vacib məsələyə çevrilib. Bu ad uğurunda İslam Respublikası bölgə və dünya dövlətləri ilə savaşa belə hazır görünür.

 

İran İslam Respublikasının Xarici İşlər Nazirliyinin sözçüsü Ramin Mehmanpərəst körfəzi adı ilə bağlı məsələyə toxunaraq, bildirmişdi: «Körfəzi adı hamıya aydındır. Qərb dövlətləri öz tarixi sənədlərinə nəzər yetirsə, buna bir daha əmin olarlar. Bölgə Fars körfəzi adını daşıyıb və daşıyacaq. Heç kəsin Fars körfəzinin adını dəyişməyə nə haqqı var, nə də imkanı. İran xalqı körfəzin adının gəyişdirilməsinə dözməz. Fars körfəzinin adı mübahisəsizdir. Biz başqa adla nə razılaşmışıq, nə də ki razılaşacağıq».

 

Tehran rəsmiləri bu sayaq məsələlərdə tez-tez tarixə baxılmasını israr edirlər. Ancaq heç kimə sirr deyil ki, inglisilər mehmapərəstlərin tarix dediyi yaşanmışlara baxsa, şübhəsiz fars şovnistələri qürrələndlikləri tarix qarşısında əli boş qalarlar. Axı, həmin tarixi bu şovnistlərələ ingilislər birgə yazıb. Bunu Londonda da, Vaşinqtonda da, Pekində də, Təl-Əvivdə də yaxşı bilirlər. 

 

İran hakimiyyəti bütün etirazlarda «yəhudi»,yaxud özlərinin təbrincə, «sionist» barmağı axtarır. Nazirlik təmsilçisi də bu şablondan çıxmayıb. O, körfəzin adı ilə bağlı məsələni də «sionistlərin təhriki» adlandırıb. İranlı diplomat deyib ki, körfəzin adı hər gün «təhrif edilərsə, biz ona hər gün etiraz edəcəyik».

 

 Yeri gəlmişkən. Bu ilin yazında «İslam həmrəyliyi idman oyunları»nın keçiriləcəyi gözlənilirdi. Bu tədbir İran İslam Respublikasının ucbatından təxirə salındı. İslam ölkələri Həmrəylik Oyunları Federasiyasından bildiriblər ki, İran yarışmaların loqosunda «Fars körfəzi» yazılmasıiddiası ilə çıxış edib.

 

Tehran hakimiyyəti ərəb ölkələrinin «Ərəb körfəzi» adlandırdığı yerin «Fars körfəzi» adlandırılmasında israr olduğunu bildirib. Səudiyyə Ərəbistanının təmsilçiləri medalların və mükafatların üzərindən «Fars körfəzi» ifadəsinin yığışdırılmasını tələb etmiş, əlavə olaraq bildirmişdi ki, onun yerinə ya «Ərəb körfəzi» , ya da sadəcə olaraq «Körfəz» yazılmalıdır. 

 

Qeyd etmək lazımdır ki, «İslam ölkələri həmrəylik idman oyunları»ının keçirilməsi ilə bağlı İslam Konfransı Təşkilatı 2001-ci ildə qərar qəbul edib. İlk oyunlar 2005-ci ildə Səudiyyə Ərəbistanında gerçəkləşdirilib.  Onda Özbəkistan, Albaniya və Toqo istisna olmaqla  müsəlman 53 ölkəsindən 6,5 min idmançı həmrəylik yarışmasına qatılmışdı. Bu keçirlməsi planlaşdırılmış yarışma əslində, ötən ilin oktyarbrında gerçəkləşdirilməli idi.

 

Yeri gəlmişkən. Ötən ilin yazında «İslam həmrəyliyi idman oyunları»nın keçiriləcəyi gözlənilirdi. Həmin yarışma İran İslam Respublikasının ucbatından təxirə salınıb. İslam ölkələri həmrəylik oyunları federasiyasından bildirdilər ki, İran yarışmaların loqosunda «Fars körfəzi» yazılması iddiası ilə çıxış edib.

 

Bax belə, körfəzin adı uğrunda mübarizə aparan  Tehran hakimiyyəti türk torpaqları ilə bağlı yanlışlıqların düzəldilməsinə heç vaxt cəh etməyəcək. Çünki belələri əslində elə panfarsçıların, panirançıların istəklərini həyata keçirir. Sədrəddin Soltan