GünAzTv: Dünya Azərbaycanlılarının Həmrəylik günü Azərbaycan Respublikasının dövlət başçısının dünya azərbaycanlılarının təbrik etməsi bir ənənə halını alıb.

2010-cu ilin sonucu günü ölkə başçısı İlham Əliyev bu il də ənənəyə sadiq qalararaq, yaşadığı ölkədən asılı olmayaraq, dünya azərbaycanlılarını təbrik etdi, onlara Azərbaycan adına gördükləri işlərdə uğurlar azuladı.

Yaxşı ki dünya azərbaycanlılarının bu bayarmı var, yoxsa Azərbaycanın dostalrı ilə düşmənlərini seçmək çətin olardı. Dövlət başçısının təbrik çıxışındakı bir sıra məqamlar özünü Azərbaycana dost kimi sırıyıb, ölkədəki informasiya vasitələrindən biri ilə əməkdaşlıq edənlərə xoş gəliməyib.

Bu sayaq çıxışlardan örnək göstərib, onlara cavab verməzdən öncə, qeyd edək ki, hələ Dünya Azərbaycanlılarının ikinci qurultayında dövlət başçısı İlham Əliyev 50 milyonluq dünya azərbaycanlılarının przedenti olduğunu da söyləmişdi. O zaman bu Tehranın ölkəmizdəki o vaxtkı səfiri Əfşar Süleymaninin xoşuna gəlməmişdi. Sonrdan işin çətinə düşəndə özünü azərbaycanlı sayan bu iranlı diplomat bu məsələdə rəsmi Bakının ittiham etmişdi. Ancaq heç kimə sirr deyil ki, dünyada 50 milyon azərbaycanlı var. Dünya azərbaycanlıları dedikdə  isə dinindən, dilində, milli mənsubiyyətindən asılı olmayaraq, Azərbaycanı sevib, onu özünə vətən bilən, onun probelmlərinin həllinə yardım edən, Qarabağın işğaldan azad olunması istiqamətində çalışan, ölkənin düşmənlərini düşmən, dostlarını dost sayan, özünün coğrafi baxımdan azərbaycanlı sayan hər kəsin dekabrın 31-i bayaramıdır.

 

Ölkə başçısı da həmin insanları təbrik edərək, dedi : «…Əziz həmvətənlər! Hörmətli soydaşlar!Müstəqil Azərbaycan dövlətinin varlığı dünya azərbaycanlıları arasında milli birliyin gücləndirilməsi və soydaşlarımızın təşkilatlanması üçün geniş imkanlar yaradır.Bu istiqamətdə xaricdə yaşayan soydaşlarımız ölkəmizin inkişafı və yaşanan problemlərin həlli üçün səy göstərirlər.Bu köməklərin səmərəli olması üçün diasporanın təşkili məsələsi önəmlidir və bu məsələyə hərtərəfli yardım etmiş olur».

 

«Xain xoflu olar», yaxud «Soğan yeməmisən için niyə göynəyir» atalar söləri burada lap yerinə düşür.

İran Parlamentinin milli təhlükəsizlik və xarici siyasət komissiyasının sədri Əlaəddin Brücerdi Azərbaycan Respublikası prezidentinin bu müraicətinə belə münasibət bildirib: «Bu sözlər fantaziyalar sırasında yer alır və Azərbaycan Respublikası rəsmiləri arasında yeni fenomen hesab olunmur. Həqiqətdə, bu onların problemidir ki, bu sahədə çatışmazlıq hiss edirlər. İran İslam Respublikasında azərilər (?!-S.S.) mühüm məsuliyyətlərə malikdirlər və iranlı olmaları ilə fəxr edirlər».

Ə.Brücerdi əlavə edib: «İslam inqilabının böyük rəhbəri (ayətulla Xomeyni nəzərdə tutur-S.S.) tərəfindən irəli sürülən milli birlik strategiyası bizim üçün mühüm və ciddi strategiyadır. Xoşbəxtlikdən ictimaiyyətimiz, xüsusilə də azərilər vilayəti-fəqih (ayətulla Xamneyinin tutuduğu vəzifə-S.S.) prinsipini fəxrlə əsas götürürlər. Bu müxtəlif zamanlarda tam aydın formada nümayiş etdirilib. Beləliklə, İran azərilərinin başqa bir yerdən təsir almaları haqdakı xəyallar heç bir vəchlə gerçəklikləri əks etdirmir.

Biz dünyanın müxtəlif ölkələrindəki xalqların İran İslam Respublikasına eşq və məhəbbət ilə yanaşmalarının şahidiyik. Bu isə fantaziyalara əsaslanan belə  sözlərə ən yaxşı cavab sayılır».

Əlaəddin Brucerdi daha sonra bildirib: «Ölkəmizdə yaşayan müxtəlif etnoslar milli birlik olan böyük bir ilahi nemətə malikdirlər və islamlı İranı sevirlər.

Biz ölkə daxilində problemə malik deyilik. Əgər sərhədlərdən kənarda, digər ölkələrdə hər hansı problem varsa, onlar başqalarının daxili işlərinə müdaxilə etməmək prinsipinə riayət edərək,  öz məsələlərini həll etməlidirlər».

 

Ə.Brücerdinin yadına salaq ki, «İranın birlik amili islam dini, islam mədəniyyəti və vilayəti fəqihdir» prinsipinə qarşı İranın keçmiş prezidenti Məhəmməd Xatəmi hakimiyyətdə olarəkən, çıxaraq, bildirdi : «İranın milli birlik amili fars dili və fars mədəniyyətidir». O zaman ölkə prezidentinin bu fikrinə qarşı nə Ə.Brücerdi,  nə də indi «milli birlikdən» danışanlar ona cavab vermədi. Əslində cavab veriləcək bir məsələ də yoxdur, doğrudan da siyasi-ideoloji əsası Rza Pəhləvi tərəfindən qoyulan «vahid millət, vahid dövlət» -prinsipi bu gün də İran İslam Respublikasının başlıca siyasi –ideoloji xətlərindəndir.

 

Azərbaycan Respublikasının prezidenti isə müraciətində heç bir dövlətin daxili işinə qarışmayıb. Başqa dövlətlərin iç işinə müdaxilə edən Tehran hakimiyyətidir. Ayətulla Xomeynidən qalma «İslam inqilabının yayılması doktrinasının» 30 ildən artıqdır, dünyanın çeşidli dövlətlərində gerçəkləşdirmək üçün həmin ölkələrdə pozuculuq fəaliyyəti ilə məşğul olmaqdansınız- Fələstin, Sudan, Somali, Bosniya-Hersoqovnia, Livan, Əfqanıstan, İraq, Tacikistan, Pakistan və s. Bu xəritəni genişləndirmək də olar.

 

Tehran hakimiyyəti illər uzunudur Tacikistan, Əfqanıstan və Pakistanı bir yerə toplayıb, onları «fars dili» adlandıraraq, İranı farsların siyasi-ideoloji mərkəzinə çevirməyə cəhd göstərir. Ancaq həmin dövlətlərin başçıları İran hakimiyyətinin bu ideyasını dəstəkləmir. Tacikistan prezidenti İranda təhsil alan tələbələrin vətənə qayıtmasına çağırş edərəkən demişdi :«Təəssüflər olsun ki, onların çox mollalıq öyrənmir, əksinə terrorçu və ya ekstremist olurlar. Onların hamısını qaytarmaq lazımdır, yoxsa hamısı satqın və vətən xaini olacaq».

 

İş o yerə çatıb ki, Tacikistan hakimiyyəti İranın  Düşənbədəki səfirliyində fəaliyyət göstərən məktəbində tacikistanlıların oxumasını yasaqlayıb.

 

Başqa bir örnək Azərbaycanlı fotojurnalist Mənuçehr Diqqəti “Assoşieyted-Press” agentliyinin Yaxın Şərq üzrə baş foto redaktoru təyin edilib. “Amerikanın səsi” radiosuna müsahibəsində o, görəcəyi işlər, İranda azərbaycanlıların vəziyyəti barədə danışıb. Müxbirin  «Bakıdasınız. Sizi Bakıda tanıyanlar çoxdur, sevənlər çoxdur. Özünüzü Bakıda necə hiss edirsiniz»sualına cavabında deyib:

 

- Bura öz vətənimizdir, öz ölkəmizdir. Mən burada ana dilində danışıram. Təqribən 30 ildir İrandan çıxmışam və Bakıya gəlməyimin əsas səbəbi vətənə qayıtmaqdır. Qızım da burada mənimlədir. Onu Azərbaycan məktəbinə qoymuşam ki, öz dilimizi və mədəniyyətimizi öyrənə bilsin. Bizim üçün Bakı və Azərbaycan Vətəndir. Fərqi yoxdur, cənub, şimal - bizim üçün birdir».

 

Bu iki örnəkdən göründüyü kimi nə fars dilli sayılan Tacikistan, nə də «azəri» adlandırılan Azərbaycan türkü Tehran hakimiyyətinin fantaziyalarına uymur.

 

İran parlamentinin təhlükəsizlik və xarici siyasət komissiyasına 10 ilə yaxındır sədrlik edən Əlaəddin Brücerdi cənabları və onun kimi məsələnin mahiyyətini ört-basdır edənlər hələ də boş-boşa şüarlarla insanların «milli birliyindən» danışırlar. Adı təhrif edilən, milli varlığı danılan, öz övladına ana dilində ad qoya bilməyən, hər addım başı milli heysiyyəti aşağılanan  bir cəmiyyətdə kimin və necə milli birlik yaratmaq olar?

 

Halbuki İlham Əliyev təbrik çıxışında Güney Azərbaycan türklərinin tapdanan haqqından və başqa bu sayaq problemlərindən danışmadı. O, diaspor sahəsində təşkilatlanmaya və buna oxşar məsələlərə toxunub.

 

Başqa bir hədyanı isə «Fars»  və «Mehr» xəbər agentliklərinin yaydığı «məqalə», Bi-Bi-Si-nin farsca redaksiyasına müsahibə verən ötən ilki prezident seçkisindən sonra yaranmış «yaşılların» təmsilçisi müraciəti təhrif edərək, hədyanlar danışıblar.

 

Fars şovnistləri və panirançılar hələ də 1989-cu il dekbarın 31-də o taylı- bu taylı azərbaycanlıların atomlu SSRİ-nin sərhədini dağıtmasını «İran İslam Respublikasına sevgi, məhəbbət» kimi təqdim edir, yaxud «bu belə olsa idi, daha yaxşı olardı, xülyası» ilə yaşayırlar. Halbuki qəddar rejimlərdə yaşanyan atanın-bala, bacının qardaş, qardaşın-qardaş, qohumun –qohum ilə görüşü idi. Bu iki əsrlik ayrılığın sonu idi. Oradakılar nə İslam Respublikasına, nə də «şurəviyə» sevgi izhar etmək tikanlı telləri qırmamışdılar.

 

Vətən Azərbaycanın hər iki tayında olanlar İrandakı rejimlərin mahiyyətindən yaxşı xəbərdar idi…

 

Bu gün onun «yaşıl hərəkatçısı» da, «islahatçısı»da,  «hizubllaçısı»da, hakimiyyətdəkiləri də Azərbaycana – həm Güney, həm də Quzeyə eyni mövqeydən baxırlar. Güneydəkilər «assimliyasiya edilməli (onların bəziləri bir az da qabağa gedərək, «Türklərsiz İran!» şüarı ilə çıxış etməkdədir), Quzey isə daim təhdid olunmalıdır».

 

Türk sözünün qorxusu canlarından çıxmamış, panfarsçılar indi də dünya aəzərbaycanlıları ifadəsində əndişələnir.

 

Xatırladaq ki, “Mehr” xəbər agentliyi bu zəmində daha 3 yazı dərc edib. Onlardan məzmunu şərh etdiyimiz yazının məzmununa oxşardır.

 

İlham Əliyevin dünya azərbaycanlılarını təbrikindən, onların bir yerə toplanmasından əndişələnən İran İslam Respublikası hər il dünya erməniləri üçün Güney Azərbaycanda tədbir düzənləyir.

 

Ötən il  iyulun 29-da Güney Azərbaycanın Urmiya şəhərində Dünya Ermənilərinin idman festivalının açılış olub.  Bu mərasim Urmiyanın Çarbaş məhəlləsində ermənilərə məxsus idman klubunda 10 gün keçirilib.

 

Festivalda  Ermənistan, Livan, İran, İraq, habelə Avropa və Amerika ölkələrində yaşayan ermənilər iştirak edib.

 

Tədbir İran məclisi, İslam Respublikası Bədən Tərbiyəsi İdarəsi və iranlı ermənilər qurumu tərəfindən təşkil olunub. 2009-cu ildə keçirilən belə mərasimdə 2 min erməni iştirak edib. Onlar Urmiyanın ən bahalı sahilyanı mehmanxanalarında qalıblar.

 

Onu da qeyd edək ki, İran hakimiyyəti dünya ermənilərinin Güney Azərbaycanın Makı şəhərindəki Qarakilsə adlı kilsəyə toplaşaraq, dünya ermənilərinin tədbirini keçirməyə şərait yaradır. Bu mərasimdə Tehran hakimiyyətinin rəsmiləri çıxış edir. Orada «ermənilərin problemləri» və «soyqırım» kimi saxta tarixi hadisələrdən də danışırlar.

 

Heç kimə sirr deyil ki, Güney Azərbaycandakı türklərlə, Quzeydəkilər bölünmüş bir millətdir. Odur ki, kimin necə adlandırmasından asılı olmayaraq, güneyli-quzeyli azərbaycanlı bir vahiddir.

 

Ancaq islamdan danışan fars alimləri son illər özlərinə qardaş axtarışına çıxıb. Onlar ermənilərlə eyni soya məxsus olduqlarını iddia edir. Kimin-kimlə qohumluğu müəyyən mənada bizi az maraqlandırır. Amma brücerdilərin düşüncə darlığı təəssüf doğurmaqdadır. Fars şovnist mərkəzli düşüncə sistemi artıq çürüyüb. Yenilənməyə isə imkanı yoxdur. İslamın gəlişi ilə sasanilər dünyanın siyasi səhnəsindən bir dəfəlik silindi.

 

Son 32 ildə islam adı altında ərəb və müsəlman dünyasından intiqam almaq istəyən fars şovnistlərinin qurduqları çürük panfarsçı ideologiyanın əsirliyindən qurtulub, dünyaya sevgi ilə baxmasının zamanı çoxdan yetişib. Sədrəddin Soltan